Fforio

Mae rhannau o’r ddinas heb eu datblygu eto.  Mae un llecyn sydd tŷ ôl, neu heibio’r gamlas, ar waelod yr allt sydd yn dringo i ganol y ddinas ac i’r parc dinasyddol, Campbell Parc.  Dwi’n cerdded yng Nghampbell Parc yn eithaf aml, ar ôl cael cinio gyda fy ffrind, ar ddydd Gwener.  Ac mi roedd hi’n braf dydd Gwener ddiwethaf, er yn wyntog.  Roedd storm Eowyn yn gryf, gryf mewn sawl ardal, ond dim yn fama,  Dan ni’n lwcus o’r safbwynt yna, yn aml yn osgoi’r tywydd gwaethaf gan ein bod yng nghanol y wlad.

 

Ac at Campbell Park roedden yn anelu, dydd Gwener, tan i fi sylweddoli bod y defaid yna.  Yn Milton Keynes mae defaid a gwartheg i’w gael yn y ddinas.  Ond meddyliais ei fod yn well i osgoi’r parc a’r defaid, gan fod gan y ci ormod o ddiddordeb ynddyn nhw (er ei fod ar dennyn).  Felly i lawr heibio’r parc at lecyn sydd heb gael ei ddatblygu, er, am ryw reswm, mae llwybrau yna fel petai'r lle yn aros am dai i gael eu hadeiladu - a dyna sydd am ddigwydd.  Nid tai ond fflatiau.  Ond am rŵan, lle gwyrdd, gyda digon o wrychoedd a choed, i fforio.  Mi faswn yn meddwl ei fod yn lle gwych ar gyfer bywyd gwych a digon gwyllt fel gwelir yn y lluniau.

Mae hi’n drist meddwl bydd yr holl ardal yma o dan concrit mewn dipyn a hefyd bod y fflatiau am fod yn uchel.  Am flynyddoedd y syniad oedd nad oedd MK am gael adeiladau uchel – ond gan bod angen tai penderfynwyd ei fod yn iawn i adeiladu yn uchel.  Trueni.