Glaw

 Am law.  Fel arfer dwi’n mynd â Teo am dro, y peth gyntaf yn y bore, ond heddiw mae hi’n stidio bwrw.  Mae’r gwanwyn wedi bod mor wlyb ac mae hi wedi bod yn oer yn ddiweddar hefyd.

 

Er hynny, mae’r ardd wedi bod yn edrych yn dda gyda’r honesty a’r tiwlips piws, a hyd yn oed yr iris yn dechrau blodeuo.  

Ddoe, sylwais fod gymaint o flodau ar y goeden celyn sydd yn y gornel.  Arwydd o lawer o aeron coch efallai? 

Llwyddais i dorri un lawnt dydd Gwener, wrth wybod byddai glaw yn dod, ond mae dwy arall i dorri ac wedyn, yn debyg, byddant yn cael eu gadael, ym mis Mai fel rhan o’r cynllyn “Mai di-dor”.  A gobeithio bydd y glaw yn cilio am dipyn!

Y Dderwen

 Roedd ddoe yn ddiwrnod hyfryd lle'r oedd Gwanwyn yn ei anterth. (Erbyn heddiw mae hi yn bwrw eto...) Ar fore Sul, os ydy o’n bosibl dwi’n trio mynd am dro am ryw awren cyn brecwast. Fi a’r ci.  Wrth adael y comin, cerddon ar hyd llwybr bach sydd yn arwain at berllan gymunedol a chyn hynny hen dderwen.  Dwi mor hoff o goed dderwen, ac mae cymaint o fywyd gwyllt yn byw mewn neu’n gysylltiedig â choeden dderw.

 

Mae hon yn siâp hyfryd hefyd ac yn hardd ym mhob tymor.  Dyma hi ym mis Medi.  

Ac ym mis Tachwedd.

Dwi’n teimlo’n ffodus iawn bod gymaint o harddwch o’n cwmpas yma.

garddio a'r Gwanwyn

Dwi wedi bod yn gweithio yn yr ardd yn ddiweddar:  h.y. yn ystod yr adegau pan nad ydy hi’n bwrw, oherwydd bod y tywydd glawog yn parhau: ac mae hi wedi bod yn wyntog hefyd weithiau.  Ond dan ni’n ffodus yn famau.  Mae’r pridd yn eithaf ysgafn a dydy hi ddim yn dal dŵr.  Dwi wedi gwagio’r biniau compost ac wedi cael compost da i fynd ar y pridd fel haen. Mae hyn yn rhan o arddio heb balu.

Tyfais rhai pethau yn y tŷ gwydr i ddechrau.  A rŵan mae ‘r sbigoglys a’r persli yn y pridd, a’r tomatos a’r aubergines a’r pupurau yn dod ymlaen yn y tŷ gwydr ond rhaid amddiffyn yr aubergines o falwod.  A gwelais gyda boddhad bod penbyliaid yn ffynnu yn y pwll ar ôl llawer o’r grifft marw. 

 

Ac mor braf ydy gweld y bylbiau yn dod allan – dim ots be mae’r tywydd yn gwneud.  Prynais tiwlips a oedd yn newydd i fi, ac maen nhw’n blodeuo yn gynnar eleni. 

I ddweud y gwir, mae’r gwanwyn yn gynnar eleni.  Er bod y tywydd ddim wedi bod yn wych, dan ni ddim wedi cael llawer o rewogydd chwaith, ac mae hyd yn oed clychau’r gog yn dechrau blodeuo yn y parc yn y ddinas.