Tywydd gaeafol anhygoel

Dan ni wedi cael tywydd anhygoel yn ddiweddar. Oer iawn ond prydferth gyda’r barrug yn parhau trwy’r dydd a’r haul yn gwenu. Felly taith cerdded eitha hir bore ddoe, ar y comin.A dyma be oedd ar yr afon: hwyaid danheddog.

Braf, hefyd, oedd dydd Sadwrn; unwaith i’r niwl clirio. Es i lecyn bach lleol, eitha diwydiannol, lle roedd sgwarnogod i’w gweld. Dyma llun tynnais yn 2018 ....

Ond dim rŵan,ar ol gymaint o adeiladu.  Ond mae’r ceirw dwr Tsineiaidd yna o hyd, ryw 11 ohonyn nhw.

Dim yn agos iawn, ond braf eu gweld nhw.

Taith cerdded gwych a lluniau ofnadwy

Ddoe, ymunais a taith cerdded wedi ei drefnu gan gymdeithas MKNatural History o gwmpas Llyn Tongwell.  Dydy’r llyn ddim yn fawr a mae hi'n agos (25 munud cerdded) a felly dwi’n mynd eitha aml gyda’r ci.  

 

Ond mae rywbeth fel hyn yn wir gwneud i chi feddwl.  I fi, uchafbwynt y daith oedd gweld sawl linos bengoch (redpoll yn ol llyfr Dewi Lewis) (ond er tynnu sawl lun gyda lens mawr, doedd dim llun gwerth cadw!)  Mae mynd gyda grŵp o naturiaethwyr wedi dangos i fi faint o adar sydd ar gael mewn llecyn os dach chi’n gwybod am be dach chi’n chwilio, lle i chwilio ac os dach chi’n dda am weld adar. Dywedodd un dyn, cyn-cadeirydd y gymdeithas ei fod wedi gweld sawl aderyn yna, mewn cyfnod oer, na faswn erioed wedi dychmygu, fel y guach.  Felly byddaf yn chwilio yn fanwl tro nesaf!