Dechrau Chwefror

Anodd meddwl am yr haf (had yn med y gwanwyn) ar y funud a hithau mor oer a rhewllyd.  Beth bynnag, mi ddaw...ac yn y cyfamser dwi wedi bod yn dechrau cynllunio’r ardd llysiau a wedi prynu tatws.  Mae’n bosib prynu nhw yn rhydd yn Buckingham Nurseries, a dyna be wnes i.  Trip gyda ffrind a phrynu sawl fath yn cynnwys: 

Potato 'Belle de Fontenay' a favourite classic early maincrop French salad potato. It has a smooth, firm, waxy texture with an excellent taste - great for salad and boiling. 

Does dim lle i dyfu ormod o datws - maent yn cymryd dipyn o le, ond does dim gwell na cael tatws o’r ardd ar gyfer cinio.  A maent yn swatio mewn bocs wyau.  Be ydy “chitting” yn Gymraeg tybed?

A dyma fath arall:



Eleni dwi’n trio peidio palu.  Cyfundrefn ’no-dig’, sydd yn well i’r pridd a’r annifeiliad bach sy’n byw yn y pridd.  Ond mae hi braidd yn gynnar i wneud llawer eto.  Be dwi angen gwneud gyntaf ydy clirio’r tŷ gwydr, a rhoi compost ar yr ardd, ond dipyn fesul dipyn.

Un peth dwi wedi gwneud ydy mynd trwy’r pacedi o hadau.  Dwi ddim yn medru taflu nhw, er bod rhai reit hen - felly dwi wedi gwneud rhestr ac ar ol gwneud hynny yn gweld bod ond angedn prynu dau beth: courgettes a cucumber - o ia, a falle pupurau.  Edrych ymlaen at y tyumor arddio beth bynnag.

Diwrnod braf

Barrug trwchus, niwl a’r haul yn dechrau torri trwy’r niwl.  

Dyma’r fath o fore ’roedd hi heddiw - a braf cael cerdded gyda’r ci trwy’r comin. Wedyn ymweliad i’r gwarchodfa natur i weld be oedd o gwmpas.  Dim gymaint a hynny ond dyma llun o'r robin goch:

Bore Mercher, a hithau’n ddiwrnod tra wahannol, llwyd ac yn bygythio bwrw roedd criw bach ohonon ni yn trio clirio rhai o’r cyrs i adael fwy i le i’r adar sydd yn nythu ar y ddaear.

  

Y cam gyntaf oedd hon.  Ond diddorol oedd darganfod hen nythod llygod y gwair.  Gawn ni weld os byddant yn defnyddio’r nythod ffug dan ni wedi ei osod yn y warchodfa.

Lluniau adeiladau: rhan 1

Llynedd dechreuais cwrs fforograffiaeth:  ffotograffiaeth creadigol  Ar ol un tymor, es yn ol a wedyn yn yr Hydref hefyd.  ’Roedd y cwrs yn ddigon leol i fi feicio yna, a r’on am ymuno eleni hefyd.  Yn anffodus doedd dim ddigon o bobl i’r cwrs barhau.  Ond yn ogystal a’r cwrs, dwi’n cyfarfod gyda merched eraill bob fis i rannu a siarad am lluniau - a dan ni’n gosod prosiect bob fis hefyd.  Y tro yma, penderfynnon tynnu lluniau pensaernîaeth: adeiuladau lleol.  Mi wnes i ddehongli’r brosiect yn fras ac er bod gymaint o adeiladau cyfoes yn MK, tynnais lluniau o hen adeiladau hefyd.  Dyma’r rhai o'r lluniau:

Llun o adeiladau o gwmpas Chicheley Hall, rya dair filltir o lle dwi'n byw yw hon.  Mae'r colomendy hyfryd i'w gweld yn y pellter a dyma llun agosach o'r colomendy.  R'on yn aros yn Chicheley Hall ar gyser cyfarfod gwaith, a felly roedd yn bosib tynnu llun un eitha gynnar yn y bore.

Dyma llun o'r ty ei hun:

Llun wedi ei tynnu yn y bore eto.  Mae'r lluniau yn cymryd oes i lwytho i fyny heno felly mwy yn y fan!

2019

Gyda tynnu’r ardduniadau i lawr mae tymor Dolig a’r flwyddyn newydd wedi gorffen go iawn.  Mae bywyd yn ol i’r arferol – sydd ddim yn beth ddrwg o gwbl.  Ac yn bendant dwi isio garddio mwy eleni.  Yn sgîl y penderfyniad yma, mi es i’r ardd p’nawn ddoe i baratoi un gwely ar gyfer mwy ffa llydan.  Dyma rhai o’r ffa a aeth i fewn ym mis Tachwedd:

Gwneud yn iawn, ond cyn rhoi mwy I fewn dwi isio roi dipyn o faith yn ol i’r pridd – a cyn gwneud hynny rhaid tynu’r hen pridd i roi dipyn o le.   A felly r’on yn rhoi dipyn o’r hen bridd yn y bin compost – a dipyn o’r gompost yn y gwely lle mae’r ffa am fynd.  Eleni doedd dim digon o amser yn cael ei dreilio yn yr ardd. Er hynny r’oedd yn flwyddyn dda a mae rhan o’r cnwd gyda ni o hyd.  Cloddiais y moron ddoe hefyd: gyda’r tywydd mwyn maent yn dechrau tyfu gwreiddiau newydd.  A synnu faint o foron dda sydd gennyn ni.  Gwych! Felly mi wnaf cawl moron ar gyfer yr wythnos i ddod.  A dwi’n edrych  ymlaen at archeb hadau ar gyfer y tymor i ddod.

Dwi hefyd wedi bod yn coginio dipyn dros y penwythnos: un ryseit allan o “Delicious Ella”:  llyfr a phrynais yn Oxfam – ond yn anffodus doedd y ryseit ddim yn llwyddianus ond dim ots, efalla wnes i ddim ei ddilyn o yn ofalus iawn, neu efalla ei fod ddim yn blasu’n dda.  Roedd y pethau eraill yn llwyddianus yn cynnwys y cacen gaws gan Nigella (“Nigella express – hefyd o Oxfam),

y cabaits coch a’r hwmws.  Daeth y teulu draw am ginio Sul a roedd pawb yn canmol y cacen gaws – ond mae hi’n rhywbeth ddylech chi ddim cael gormod ohoni hi. Blasus ond gyda gymaint o hufen ynddi hi…..

Ac ar y comin dwi wedi bod yn tynnu lluniau o’r creciau penddu’r eithin.  Mae par ar y comin yn y gaeaf – ond dydy o ddim yn hawdd cael llun golew.  Dyma’r par:

A’r iar

 a’r ceiliog.  

A rwan – amser gwneud y cawl moron.